Samarqand davlat pedagogika institutida Korrupsiyaga qarshi kurashish “Komplayens nazorat” tizimini boshqarish bo‘limi boshlig‘i Samariddin Bobomurodov hamda institut Bosh auditori G‘ofur Xo‘jayev ishtirokida talaba-yoshlar uchun “Moliyaviy savodxonlik” mavzusida uchrashuv o‘tkazildi.
Uchrashuvda moliyaviy savodxonlikni oshirish, yashirin iqtisodiyotga nisbatan murosasiz munosabatni shakllantirish, raqamli iqtisodiyot sharoitida moliyaviy xavfsizlikni ta’minlash hamda korrupsiyaga oid huquqbuzarliklarning oldini olish masalalariga alohida e’tibor qaratildi.
Shuningdek, bank kartalari va shaxsiy ma’lumotlar xavfsizligi, onlayn to‘lovlar va kreditlardan to‘g‘ri foydalanish, firibgarlik holatlarining oldini olish hamda qonuniy daromad va soliq to‘lovlariga oid muhim tushunchalar ishtirokchilarga atroflicha tushuntirildi.

Samarqand davlat pedagogika instituti 
Axborot xizmati