Yig‘ilish davomida institutda ijro intizomini ta’minlash, ma’naviy-ma’rifiy ishlar samaradorligini oshirish, o‘quv va dars jarayonlari ustidan nazoratni kuchaytirish, yotoqxona va ijara xonadonlarida yashayotgan talabalarning holidan muntazam xabardor bo‘lib borish, turli ijtimoiy qatlamga mansub talabalar hamda ularning ota-onalari bilan ishlash jarayonida tyutorlar faoliyatidan samarali foydalanish, barcha yo‘nalishlarda volontyorlar faolligini oshirish, institut ichki tartib-qoidalariga rioya etilishini qat’iy nazoratga olish kabi bir qator muhim masalalar muhokama qilindi.

Yig‘ilish tanqidiy ruhda o‘tib, muhokama qilingan masalalar yuzasidan mas’ullarga tegishli topshiriq va ko‘rsatmalar berildi.

Samarqand davlat pedagogika instituti 
Axborot xizmati