Oʻzbekiston-Finlandiya pedagogika instituti psixologiya kafedrasining navbatdagi ilmiy-amaliy seminarida kafedra oʻqituvchisi Muqaddas Boboqulova yuqoridagi muammo haqida maʼlumot berdi. U "Boʻlgʻusi pedagoglarning psixologik bilimlarini oshirishda zamonaviy talablar. Ularga psixologiya darslarini oʻqitishda innovatsion yondashuv" mavzusida maʼruza qilib, pedagoglarning psixologiya boʻyicha bilimlarini oshirish hozir har qachongidan koʻra muhimroq ekanini taʼkidlab oʻtdi.

     Shuningdek, kafedra oʻqituvchisi Sevara Rizoqulova "Shaxslarning noaniq vaziyatlarda qaror qabul qilishining ijtimoiy-psixologik mexanizmlari" mavzusidagi maʼruzasida bu muammo barchada uchrab turishini, insonlarning qarorlariga ularning hissiyotlari koʻproq taʼsir koʻrsatishi haqida maʼlumot berdi.