Maktab bitiruvchilari ayni paytda katta hayotga qadam qoʻyish ostonasida turibdi. Ular kasb-hunar tanlash, oʻziga kerakli yoʻnalishni izlash bilan birga turli xil hissiyotlarni boshdan kechiradigan yoshda. 

Shu sababdan, Oʻzbekiston-Finlandiya pedagogika instituti hamda Sharof Rashidov nomidagi Samarqand davlat universiteti psixolog professor-oʻqituvchilari hamkorlikda Samarqand shahridagi 1-maktabda bitiruvchi sinf oʻquvchilari bilan psixologik seminar-trening oʻtkazdi. 

Seminar umumiy va yakka tartibda boʻlib, yoshlarning oʻzlari tanlamoqchi boʻlgan sohaga qiziqishlari aniqlanib, ularni yanada ruhlantiruvchi oʻyinlar tashkil etildi.