Samarqand davlat pedagogika institutida “Samarqand: madaniyatlar, ma’rifat va ta’lim uyg‘unligi” mavzusidagi III Xalqaro yozgi maktabning tantanali ochilish marosimi bo‘lib o‘tdi. Mazkur nufuzli tadbirda Rossiya, Qozog‘iston va Belarusdan tashrif buyurgan professor-o‘qituvchilar, tadqiqotchilar hamda o‘quvchilar ishtirok etmoqda. Ochilish marosimi milliy kuy-qo‘shiqlar bilan bezatilib, mehmonlarga o‘zbek xalqining boy madaniy merosi va mehmondo‘stlik an’analari namoyish etildi. Xalqaro yozgi maktab ilmiy hamkorlikni kengaytirish, tajriba almashish va madaniyatlararo muloqotni rivojlantirishga xizmat qilmoqda. Ayni paytda loyiha doirasidagi ilmiy-ma’rifiy uchrashuvlar, mahorat darslari va madaniy tadbirlar davom etmoqda.