Shahzoda Negmatova Bombey texnologiyalar universiteti professori Azizuddin Khanga Samarqand davlat pedagogika institutining “Faxriy professori” unvonini topshirdi. Mazkur unvon Samarqand davlat pedagogika instituti Kengashi qaroriga muvofiq, professor Azizuddin Khanning institutimiz psixologiya kafedrasidagi samarali faoliyati, "Psixologiya laboratoriyasi"ni tashkil etishdagi amaliy ko‘magi, ilmiy tadqiqotlar samaradorligini oshirish hamda xalqaro grant loyihalaridagi hamkorlikni kengaytirishga qo‘shgan munosib hissasi uchun taqdim etildi. Instituti jamoasi professor Azizuddin Khanni ushbu yuksak e’tirof bilan muborakbod etadi. Shuningdek, uning kelgusidagi ilmiy faoliyati hamda xalqaro hamkorliklar yo‘nalishidagi ishlari yanada samarali va izchil davom etishiga ishonch bildiradi.