Samarqand davlat pedagogika instituti jamoasi tomonidan Oqdaryo tumanidagi “Samarqand davlat o‘rmon ishlab chiqarish korxonasi” hududida 1600 tup "katalpa" turiga mansub ko‘p yillik manzarali daraxt ko‘chatlari ekildi. ➡️ Mazkur tashabbus 🌳 “Yashil makon” 🌳 umummilliy loyihasi doirasida amalga oshirilib, atrof-muhitni asrash, ekologik muvozanatni mustahkamlash hamda yashil hududlar ko‘lamini kengaytirishga xizmat qiladi. Ko‘chat ekish jarayoni nafaqat ekologik muammolarni kamaytirishga, balki inson va tabiat o‘rtasidagi uyg‘unlikni mustahkamlashga ham zamin yaratadi. Ayniqsa, talabalar ishtirokida o‘tkazilgan bunday amaliy tadbirlar yoshlar orasida ekologik madaniyatni yuksaltirish, ularni tabiatga mehr-muhabbat ruhida tarbiyalash va jamoaviy birdamlikni kuchaytirishda muhim ahamiyat kasb etadi.