Bugun Samarqand shahrida o‘tkazilgan “Markaziy Osiyo – Yevropa Ittifoqi universitetlari kongressi”da Samarqand davlat pedagogika instituti rektori Shahzoda Negmatova boshchiligidagi delegatsiya faol ishtirok etdi. Yevropa Ittifoqi hamda Markaziy Osiyo davlatlari o‘rtasida akademik hamkorlikni tizimli va institutsional asosda rivojlantirishga qaratilgan ushbu nufuzli kongress doirasida institut jamoasi istiqbolli hamkorlik yo‘nalishlarini atroflicha muhokama qildi hamda kelgusidagi aniq rejalar belgilab olindi.