Samarqand davlat pedagogika instituti xalqaro hamkorlikni rivojlantirish hamda Oʻzbekiston Respublikasi Prezidentining PQ-289-son qarori ijrosini taʼminlash maqsadida pedagogika kafedrasi professor-oʻqituvchilari Tojikiston Respublikasidagi Bobojon Gʻafurov nomidagi Xujand davlat universitetida boʻlib oʻtgan “Таҳсилоти фарогир дар таҳсилоти олӣ: таҷриба, мушкилот ва дурнамо” mavzusidagi xalqaro ilmiy-amaliy seminarda ishtirok etdilar.  Tashrif davomida davra suhbatlari tashkil etilib, institutda inklyuziv taʼlim sohasida amalga oshirilayotgan islohotlar va mavjud imkoniyatlar yuzasidan taqdimotlar oʻtkazildi. Shuningdek, pedagogika kafedrasi oʻqituvchilari tomonidan talabalar uchun inklyuziv va gospital pedagogika fanlari boʻyicha maʼruzalar oʻqildi.