Tabiiy fanlar fakultetida o‘zbek mumtoz adabiyotining ikki buyuk siymosi – Alisher Navoiy (585 yil) va Zahiriddin Muhammad Bobur (543 yil) tavalludiga bag‘ishlangan “Ikki buyuk siymoga ehtirom” nomli ma’naviy-ma’rifiy tadbir bo‘lib o‘tdi.
Talabalar Navoiy va Bobur hayoti hamda ijodiga bag‘ishlangan sahna ko‘rinishlarini namoyish etishdi, ularning g‘azal va ruboiylari ifodali o‘qildi, davlat boshqaruvi, adolat va insonparvarlik haqidagi qarashlari yoritildi. Musiqiy chiqishlar tadbirga o‘ziga xos ruh bag‘ishlab, ishtirokchilarda katta taassurot qoldirdi. Tadbir talaba-yoshlarni milliy qadriyatlarimizga hurmat ruhida tarbiyalash va buyuk merosni chuqur o‘rganishga undashda muhim ahamiyatga ega bo‘ldi.

Samarqand davlat pedagogika instituti 
Axborot xizmati