Samarqand davlat pedagogika institutida mamlakatimiz rahbarining ta’lim sohasiga bag‘ishlangan selektor yig‘ilishida berilgan topshiriqlari ijrosini ta’minlashga qaratilgan yig‘ilish o‘tkazildi.

Tadbirda institut rahbariyati vakillari, fakultet dekanlari hamda mas’ul bo‘lim xodimlari ishtirok etishdi. Unda bugungi kunga qadar ishga joylashmagan bitiruvchilar holati, ularning ishga joylashish jarayonida duch kelayotgan muammolar, shuningdek, ish beruvchi tashkilotlar bilan hamkorlikni yanada kuchaytirish masalalari muhokama qilindi.

Yig‘ilish davomida fakultetlar kesimida bitiruvchilarning bandlik ko‘rsatkichlari tahlil etilib, mavjud kamchiliklarni bartaraf etish hamda samaradorlikni oshirishga qaratilgan chora-tadbirlar belgilandi.

Rektor mas’ullarga bitiruvchilarning ishga joylashish jarayonini doimiy nazoratda saqlash, ularni o‘z mutaxassisliklari bo‘yicha to‘liq band qilishga amaliy yordam ko‘rsatish bo‘yicha aniq topshiriqlar berdi.

Samarqand davlat pedagogika instituti 
Axborot xizmati