Bugun Toyloq tumani Shopo‘lot madaniyat saroyida “Mahoratli o‘qituvchi – millat tayanchi” shiori ostida to‘rtinchi “Ustozlar milliy forumi” bo‘lib o‘tdi.

Mazkur tadbirda Toyloq tumani hokimi Bekzod Raxmatullayev, Samarqand davlat pedagogika instituti rektori Shahzoda Negmatova, tuman hokimligi vakillari, fidoyi ustozlar, mahalla faollari, nuroniylar, institut professor-o‘qituvchilari hamda keng jamoatchilik vakillari ishtirok etdilar.

Forum ochilishida tuman hokimi Bekzod Raxmatullayev so‘zga chiqib, barcha ishtirokchilarni samimiy tabrikladi. O‘z nutqida ta’lim sifatini oshirish, pedagogik mahoratni yuksaltirish, zamonaviy o‘qitish metodlarini keng joriy etish masalalariga alohida e’tibor qaratdi.

Tadbir davomida innovatsion loyihalar taqdimoti, ilg‘or pedagogik tajribalar almashinuvi, shuningdek, o‘z kasbiy faoliyatida yuksak natijalarga erishgan mahoratli o‘qituvchilarni taqdirlash marosimlari bo‘lib o‘tdi.

Samarqand davlat pedagogika instituti 
Axborot xizmati