O‘zbekiston–Finlandiya pedagogika instituti rektori, professor Shahzoda Negmatova magistrantlar bilan “Ma’rifat darsi” mashg‘ulotini o‘tkazdi. Mashg‘ulot davomida talabalar Prezidentimiz farmon va qarorlari, jahon yangiliklari, shuningdek, mamlakatimizdagi so‘nggi iqtisodiy, ijtimoiy-siyosiy hamda ma’naviy jarayonlar haqida batafsil ma’lumotlar bilan tanishtirildi.

Dars davomida rektor “Sog‘lom turmush tarzi va reproduktiv salomatlik – millat genofondi va kamoloti garovi” mavzusida ma’ruza o‘qib, uni ma’rifiy suhbat bilan davom ettirdi.

Ma’ruzada sog‘lom turmush tarzining yoshlar hayotidagi o‘rni, reproduktiv salomatlik madaniyatini shakllantirish, hamda sog‘lom avlodni tarbiyalashda ma’naviy-ma’rifiy omillarning ahamiyatiga alohida e’tibor qaratildi.

Oʻzbekiston-Finlandiya pedagogika instituti 
Axborot xizmati