Bugun institut ilmiy ishlar va innovatsiyalar bo'yicha prorektori Akbar Safarov, institut mas’ullari hamda Turkiyaning Egey universiteti professori Muhibullah Kirami Olgen ishtirokida uchrashuv bo'lib o'tdi. 

Unda institutimizning Egey universiteti bilan o'zaro hamkorlik aloqalarining ramzi sifatida professor-o'qituvchilar almashinuvining yo'lga qo'yilganligi qayd etildi. Xususan, shu kungacha institutimizning geografiya ta'lim yo'nalishida tahsil oluvchi talabalariga onlayn dars o'tib kelgan professor ularga kelgusi bir hafta davomida an'anaviy shaklda dars o'tishi ta'kidlandi.

Shuningdek, professor Muhibullah Kirami Olgen va institutimiz professor-o'qituvchilari hamkorligida ilmiy maqolalar chop etish, xalqaro konferensiyalarda ishtirok etish maqsad qilib olindi.

Oʻzbekiston-Finlandiya pedagogika instituti 
Axborot xizmati