Samarqand davlat pedagogika instituti rektori, professor Shahzoda Negmatova ilmiy unvon va ilmiy darajaga ega bo‘lgan professor-o‘qituvchilar bilan uchrashib, ularni ushbu yutuqlari bilan tabrikladi.

Uchrashuv davomida institutda olib borilayotgan ilmiy izlanishlar hamda qo‘lga kiritilayotgan natijalar ta’lim muassasasining ilmiy salohiyatini yuksaltirishda muhim ahamiyat kasb etayotgani alohida ta’kidlandi. Rektor ilmiy faoliyatda izchillik, yangicha yondashuv va tashabbuskorlikni davom ettirish zarurligini qayd etib, professor-o‘qituvchilarga kelgusidagi ilmiy faoliyatlarida ulkan muvaffaqiyatlar tiladi.

Shuningdek, ilmiy darajaga ega bo‘lgan professor-o‘qituvchilar institut tomonidan bir martalik pul mukofotlari bilan rag‘batlantirildi.

Samarqand davlat pedagogika instituti 
Axborot xizmati