Bugun Samarqand davlat pedagogika instituti rektori, professor, O‘zbekiston Xalq demokratik partiyasi Samarqand shahar kengashi deputati Shahzoda Negmatova Samarqand shahridagi "Bog‘isaroy" MFY hududidagi ijara xonadonlarida istiqomat qilayotgan talabalarning yashash sharoitlari bilan yaqindan tanishdi.

Tashrif davomida rektor xonadonlarning umumiy holati, qulayligi, yong‘in xavfsizligi talablari va sanitariya-gigiyena qoidalariga rioya etilishi, kuz–qish mavsumiga tayyorgarlik darajasi, issiqlik ta’minoti hamda elektr va gaz tizimlarining xavfsizligini o‘rgandi.

Shuningdek, Shahzoda Negmatova talabalar bilan suhbatlashib, ularning mavjud muammolari va takliflarini tingladi.

Yakunda rektor mas’ullarga aniqlangan kamchiliklarni bartaraf etish, talabalar uchun yanada xavfsiz va sog‘lom yashash sharoitlarini yaratish bo‘yicha tegishli topshiriqlar berdi.

Samarqand davlat pedagogika instituti 
Axborot xizmati