Samarqand davlat pedagogika institutida aniq va amaliy fanlar fakulteti, tasviriy san’at va texnologik ta’lim kafedrasi professori, texnika fanlari nomzodi Suvonqulov Ilhomjon Shahobiddinovichning 70 yillik yubileyi tantanali nishonlandi. 

Tadbirda institut rahbariyati vakillari ishtirok etib, rektor Shahzoda Negmatovaning tabrigi o‘qib eshittirildi. 

Yubiley davomida ustozning qariyb yarim asrlik mehnat faoliyati, ilmiy izlanishlari, erishgan yutuqlari, chop etgan ilmiy adabiyotlari hamda shogirdlariga bergan bebaho bilimlari yuksak e’tirof etildi. Ustozning chizma geometriya, chizmachilik va muhandislik grafikasi sohasidagi fidokorona mehnati, yoshlarga ta’lim-tarbiya berishdagi xizmatlari alohida ta'kidlandi. 

Institut jamoasi nomidan Ilhomjon Suvonqulovni muborak 70 yoshi bilan chin qalbdan tabriklaymiz! Ustozga mustahkam sog‘liq, oilaviy farovonlik va ilmiy-pedagogik faoliyatlarida yuksak zafarlar tilaymiz. Umringiz uzoq, martabangiz doimo baland bo‘lsin!

Samarqand davlat pedagogika instituti 
Axborot xizmati