Tadbirda Samarqand viloyati IIB Axborot texnologiyalari sohasidagi jinoyatlarga qarshi kurashish boshqarmasi xodimi Azamat Nasriddinov hamda institutning Yoshlar bilan ishlash, ma’naviyat va ma’rifat bo‘limi xodimlari va profilaktika inspektori ishtirok etishdi.

Uchrashuv davomida talabalarga internetdan xavfsiz foydalanish, shaxsiy ma’lumotlarni himoya qilish, kiberjinoyat turlari va ulardan himoyalanish choralarini ko‘rish, onlayn muomala madaniyati bo‘yicha batafsil ma’lumot va tavsiyalar berildi.

Tadbir yakunida talabalarga mazkur mavzuga oid tushunarli qo‘llanmalar tarqatildi. Ushbu materiallar ularga internet makonida ongli va mas’uliyatli harakat qilish ko‘nikmalarini yanada mustahkamlashga xizmat qiladi.

Samarqand davlat pedagogika instituti 
Axborot xizmati