Ozarbayjon tillar universiteti psixologiya kafedrasi va O‘zbekiston-Finlandiya pedagogika instituti psixologiya kafedrasi hamkorligida psixologiya ta'lim yo‘nalishi talabalari uchun obsessiv-kompulsiv buzilish mavzusiga bag‘ishlangan onlayn seminar tashkil etildi.

Seminarda O‘zbekiston-Finlandiya pedagogika instituti psixologiya kafedrasi mudiri Umida Butayeva “Obsessiv-kompulsiv shaxs buzilishi” mavzusida ma’ruza qildi. Tadbir davomida bu buzilishning sabablari, belgilari va davolash usullari haqida keng muhokamalar o‘tkazildi. Talabalar mavzu bo‘yicha o‘z qiziqtirgan savollariga batafsil javob oldilar.

Bu kabi seminarlar ikki davlat psixologlari va talabalarining tajriba almashishi hamda ilmiy hamkorlikni yanada mustahkamlanishiga xizmat qiladi.

Oʻzbekiston-Finlandiya pedagogika instituti 
Axborot xizmati