Moskva Jurnalistlar uyushmasi tomonidan o‘tkazilgan «Rus tilida — gapiramiz, yozamiz, o‘ylaymiz!» xalqaro tanlovida Samarqand davlat pedagogika instituti tillar fakulteti rus tili va adabiyoti ta’lim yo‘nalishi talabalari g‘oliblikni qo‘lga kiritdi.
Talabalar fanlar bo‘yicha tayyorlagan videoroliklari va mustaqil ijodiy ishlari bilan tanlovda faol ishtirok etdilar. Nufuzli tanlovda turli davlatlardan tele-radio kompaniyalar, bosma nashrlar, axborot agentliklari, blogerlar hamda ta’lim muassasalari vakillari qatnashdi.
G‘oliblarni taqdirlash marosimi may oyida Moskva shahrida o‘tkaziladigan «XXI asr jurnalistikasi — raqobat va hamjihatlik. Rus tili birlashtiradi!» konferensiyasi doirasida bo‘lib o‘tadi.