Joriy yil 10-fevral kuni institut rektori, professor Shahzoda Negmatova rahbarligida o‘tkazilgan ishchi apparat yig‘ilishida belgilangan vazifalar ijrosini ta’minlash maqsadida “Startap ekotizimini rivojlantirishning yangi bosqichlari” mavzusida eksklyuziv seminar-trening tashkil etildi.
Tadbirda venchur sohasining yetakchi ekspertlari, Raqamli texnologiyalar vazirligining Samarqand viloyati bo‘linmasi vakillari, IT Park Samarqand startap menejeri, O’zmilliybank AJ Samarqand viloyati bosh boshqarmasi mutaxassislari hamda Samarqand viloyati Startap biznes-inkubator va akselerator markazi hamkorlik qildi.
Seminar davomida biznes-reja tuzish, raqobat tahlili, investorlar bilan ishlash, samarali taqdimot ko‘nikmalari, grant va investitsiya farqi, loyiha konsepsiyasi hamda istiqbolli bozorlar kabi dolzarb masalalar atroflicha muhokama qilindi.
Tadbirda iqtidorli talabalar o‘z startap loyihalari bilan faol ishtirok etdi. “Home Edu” va “Sphere Travels” loyihalari ekspertlar e’tiborini qozonib, keyingi bosqichga yo‘llanma oldi.

Samarqand davlat pedagogika instituti 
Axborot xizmati