Joriy yilning 9–17-aprel kunlari Samarqand shahri voleybol sport turi bo‘yicha “Samarkand CAVA” Osiyo chempionatiga mezbonlik qiladi.
Mazkur nufuzli musobaqa arafasida O‘zbekiston Respublikasi Voleybol federatsiyasi raisi o‘rinbosari Jamshid Fayziyev Samarqand davlat pedagogika instituti rektori, professor Shahzoda Negmatova bilan uchrashdi.
🏐 Uchrashuv davomida Jamshid Fayziyev institutda xalqaro musobaqa ishtirokchilari uchun yaratilgan shart-sharoitlar bilan yaqindan tanishdi. Xususan, sportchilarni joylashtirish uchun mo‘ljallangan talabalar turar joylari, umumiy ovqatlanish maskanlari hamda infratuzilma imkoniyatlari ko‘zdan kechirildi.
Tomonlar ushbu chempionatni yuqori saviyada tashkil etish masalalarini muhokama qilib, institut jamoasining salohiyati va tayyorgarligiga yuqori baho berdilar. Shuningdek, musobaqani namunali tarzda o‘tkazishda o‘zaro hamkorlikni yanada mustahkamlash muhimligi alohida ta’kidlandi.

Samarqand davlat pedagogika instituti 
Axborot xizmati