HEMIS tizimiga grant taqsimoti jarayonida talabalarning tegishli ballarni jamg‘arishlari uchun “Ijtimoiy faollik” modulini hisoblash funksiyasi qo‘shildi.
Ushbu jarayon ikki bosqichda amalga oshiriladi:
1️⃣ Talaba profilida:
➖ Ariza yaratish: Ijtimoiy faollik bo‘yicha ball olish uchun talaba tomonidan maxsus ariza shakllantiriladi.
➖ Asoslarni yuklash: Baholash mezonlariga mos ravishda bajarilgan ishlarning tasdiqlovchi hujjatlari (asoslari) tizimga yuklanadi.
➖ Yuborish: Barcha ma’lumotlar kiritilgandan so‘ng, ariza ko‘rib chiqish uchun mas’ullarga yuboriladi.
2️⃣ Tyutor profilida:
➖ Ko‘rib chiqish: Talabalar yuborgan arizalar o‘rganiladi, zaruratga qarab ballar kiritiladi yoki tahrirlanadi.
➖ Tasdiqlash: Ijtimoiy faollik mezonlariga muvofiq, yuklangan asoslar tekshirilib, ballar tasdiqlanadi.
➖ Yakunlash: Barcha mezonlar bo‘yicha ballar tasdiqlab chiqilgach, umumiy ariza to‘liq tasdiqlanadi.
Muhim eslatma!
🔹 Limit: Talaba bir o‘quv yilida faqat bir marta ariza yaratish imkoniyatiga ega.
🔹 Rad etish: Arizaga noto‘g‘ri yoki asossiz ma’lumotlar kiritilganda, tyutor uni rad etishi mumkin.
🔹 Tahrirlash: Talaba rad etilgan arizadagi xatolarni tuzatib, uni qayta yuborishi mumkin.