Boshlang‘ich va maktabgacha ta’lim nazariyasi kafedrasi professor-o‘qituvchilari O‘zbekiston Respublikasi Prezidentining PQ–289-son qarori ijrosini ta’minlash maqsadida Samarqand shahridagi 62-son davlat maktabgacha ta’lim tashkilotida uslubiy seminar o‘tkazdi.
Seminarda “Tarbiyachilarda sanogen refleksiyani rivojlantirish metodikasini takomillashtirish” mavzusida ma’ruza qilinib, ishtirokchilarga zarur metodik tavsiyalar hamda amaliy ko‘rsatmalar berildi. Shuningdek, maktabgacha ta’limning dolzarb masalalari muhokama qilinib, sanogen refleksiyani rivojlantirishga qaratilgan interfaol metodlar va amaliy mashg‘ulotlarni pedagoglarni tayyorlash hamda malakasini oshirish jarayoniga tizimli joriy etish muhimligi ta’kidlandi.

Samarqand davlat pedagogika instituti 
Axborot xizmati